నవంబర్ 22న కాంగ్రెస్ పీఏసీ మీటింగ్‌పాల్గొననున్న కాంగ్రెస్ రాష్ట్ర ఇన్ చార్జ్ బీఎం సందీప్

నవంబర్ 22న కాంగ్రెస్ పీఏసీ మీటింగ్‌పాల్గొననున్న కాంగ్రెస్ రాష్ట్ర ఇన్ చార్జ్ బీఎం సందీప్

హైదరాబాద్, వెలుగు: కాంగ్రెస్​రాష్ట్ర ఇన్​చార్జిగా నియమితులైన బీఎం సందీప్ ఈనెల 22న ఆదివారం హైదరాబాద్ కు రానున్నారు. అదేరోజు ఉదయం గాంధీ భవన్ లో జరిగే రాజకీయ వ్యవహారాల  కమిటీ (పీఏసీ) సమావేశం జరగనుంది. ఇందులో సీఎం రేవంత్​రెడ్డి, మంత్రులు, పీసీసీ చీఫ్​మహేశ్​గౌడ్ తో కలిసి పాల్గొంటారు. మధ్యాహ్నం పీసీసీ విస్తృత స్థాయి సమావేశానికి బీఎం సందీప్ హాజరుకానున్నట్లు గాంధీభవన్​వర్గాలు వెల్లడించాయి.

కాంగ్రెస్​రాష్ట్ర ఇన్​చార్జిగా నియమితులయ్యాక తొలిసారి వస్తున్న సందీప్​కు ఘనస్వాగతం పలికేందుకు పీసీసీ అన్ని ఏర్పాట్లు చేస్తోంది. రెండు కీలక సమావేశాలకు ఆయన హాజరుకానుండడంతో పార్టీలో పెండింగ్​పదవులపై చర్చ మొదలైంది. ప్రస్తుతం మూడు మంత్రి పదవులతోపాటు మూడు ఎమ్మెల్సీ పదవులు, నామినేటెడ్​పోస్టుల భర్తీపై నిర్ణయం ఉంటుందని ఆశావహులు భావిస్తున్నారు.